Jeuggezelschap 2024
Moeraskwaakers Jeugkwartet 2024
Prins Milan d’n Ierste
Hertog van de Katie Jansstraot en de Gabriëlstraot
Stuntmeister beej de freerun en mit plezeer beej de scouts
Creatieve oetblinker van bedinke, óntwerpe wies make
Leefhebber van aete, leefs van euver de grens
Prinses Jeltje ’t Ierste
Prinses van de Huiskensstraot
Balkunstenaer beej HC Groeët Venlo
Maker van de moeëjste creaties
Groeëtste dierevrind in ‘t Kwaakersriek
Adjudant Jasper
Landhier van de Noordervaartlaan wies op ’t schoeëlplein
Zörgzame knoevelaer dae gaer taege ’n belke mep
Gamefanaat op beeldbuus van 4.7 tot 55 inch en alles dao tösse in
Leefhebber van de 3 P’s: petat, pannekeuk en pizza!
Adjudante Cielke
Niejsgierig aagje van de Straolsewaeg
Spring in ‘t veld van de manege
Kletskous van de talentecampus
Leve groeëte zus van zien twieë breurkes Sem en Stijn
Beej de gratie van Jeugvors Moerassius en ziene hoeëge wieze Raod van Elf, knapste en leukste Jeugkwartet euver ós Moeraskwaakersriek in ’t jaor 2024, gaeve heejmej te verstaon en te weite aan idderein det:
- Ós nieje Residentie De Bantuin ’t waore Kwaakersparedies zal waere.
- Nemes wuurt boetegeslaote: idderein meug mit ós mei kwake.
- Weej ’t goje veurbeeld van Novi, Nina, Gijs en Lizzy meuge opvolge.
- Weej same mit ’t groeëte Trio vuuel remmiedemmie gaon make.
- Ózze Vors, Sirremoniemeister en Raod ós ‘n bietje op de rails halde as weej dreige te óntspaore.
- Pap en mam dan maar efkes d’n andere kant op mótte kieke.
- Weej same mit ós dansmeriekes gaon hosse, danse en swinge.
- Deze vastelaovend neet good wies, de goje wies is.
- Ós juffe en meisters ós ‘n bietje vergaeve as weej doon knikkebolle.
- Weej d’n ierste en beste en moeëjsten optoch van Limburg meuge hebbe.
- Weej vastelaovend viere supergaaf vinde en mit zien alle: Alaaf! rope.
Vastelaovend same!
Motto
Weej gaon hosse en springe
En vuuel joeks en jen bringe
Dit Kwartet is gans van de wies
In ós schoeëne Kwaakersparedies!
Jeugvors Roan
Jeugsirremoniemeister Moos
Social Media Jeug