Algemein

Vastelaovesvereiniging de Moeraskwaakers haet zich as doel gesteld: ’t bevordere en realisere van de vastelaovesactiviteite in ‘t Ven en ’t oetdrage van de vastelaovesgedachte um daomei ’n stök cultuur in stand te halde. Zeej duit det ónder mier door:

– Deilname aan Jocusactiviteite zoeëwie “’t inschete” beej de äöpening van ’t Vastelaovessezoen op d’n 11e van d’n 11e

’t organisere van:
– ’n Zitting mit artieste en ’t oetrope van ’t nieje Prinselike Trio
– ‘ne Jeugmiddaag mit bekindmaking van ’t Jeugkwartet
– d’n Optoch van ’t Ven
– Recepties veur Trio en Jeugkwartet
– De sleuteleuverdrach
– Trujenaovend
– Straolende Sterrebal
– ‘ne Feesaovend in november waobeej ’t Prinselike Trio aaftraejt.

Idder jaor wuurt ’n niej motto veur de Vense vastelaovend bekind gemak door de Jeugkemissie. Daonaeve zien d’r nog diverse activiteite veur en door de leje.