Sponsorkliks Moeraskwaakers

Wils se dich veur kómmend sezoen ‘n moeëj pekske oetzeuke beej Carnavalsland.nl? Of hes se ‘n niej wasmesjien van CoolBlue nuuedig um diene vettigen outfit weer schoeën te kriege? Of wils se in ’n luxe resort van Expedia.nl beejkómme van de vastelaovend? Of hebs se nao ‘t stappe genne zin mier um te kaoke en luuets se lever waat kómme via Thuisbezorgd.nl?

Vanaaf deze maond zien weej as Moeraskwaakers aangeslaote beej ‘SponsorKliks’. Dit beteikent det idderein ós vereiniging kin sponsore door letterlik EINEN extra klik te doon, veurdet se online iets geis bestelle. En mit idderein, bedoele weej ech idderein, dus ouk dien femilie, vrinde en collega’s.

Door via de webpagina of app van SponsorKliks nao de aangeslaote websites te gaon in plaats van rechstreeks, krieg de vereiniging ‘n paar procent van dien aankoupbedraag gesponsord.

Zoeë simpel kin ‘t zien….

Dich hoofs d’r dus in principe niks veur te doon, behalve d’r iddere kier aan te dinke via de app of website te bestelle waat se gaer wils hebbe (en det kin bes lastig zien, as se waat moeëjs gezeen hebs!).

Dich hoofs nörges lid van te waere of dien gegaeves achter te laote. De prieze zien persies ‘tzelfde as wennier se rechstreeks zoels bestelle. De Moeraskwaakers kriege ouk niks te zeen van waat d’r door wae besteld wuurt. Weej zeen allein ‘t bedraag en de website wao ós commissie vanaaf kump.

Wie werk ‘t?

  1. Um ós vereiniging te sponsore kins se op de volgende menere te werk gaon:
    a) Download d’n app van SponsorKliks via de Apple of Play Store.
    b) Gank via dienen internetbrowser nao de Moeraskwaaker-pagina van SponsorKliks:
    https://www.sponsorkliks.com/products/shops.php?club=12966&cn=nl&ln=nl
    c) Gank via ózze eige website nao de SponsorKliks-pagina via ’t menu.
  2. Kees vervolges veur V.V. de Moeraskwaakers as sponsordoel.
  3. Kees de website wao se iets wils bestelle.

Extra oetleg: https://youtu.be/tY9MyyOAG20

As se iets mier digitaal gevorderd bis, kins ze ouk de sponsorlinks van bepaolde websites (bv. Bol.com) in dien favoriete opslaon, zoeëdet se in ‘t vervolg gaar niks extra’s mier hoofs te doon. Kiek dan heej: https://youtu.be/Y_X0lBbloZU

‘n Paar veurbeelde

  • Boeks se ‘n hotel of ‘ne vekansie via Expedia.nl van bv. 500,- euro, dan krieg de vereiniging 25,- euro gesponsord.
  • Köps se ‘n niej wasmesjien beej Coolblue van 900,- euro, dan krieg de vereiniging 81,- euro gesponsord.
  • Bestels se nao iddere receptie ‘ne pizza van 10,- euro beej Thuisbezorgd.nl, dan krieg de vereiniging 0,40 euro per kier gesponsord.

Truuk