Pestoeër Tjeu Kunnen euverleje
Ós bereikde ’t verdretige berich van ’t euverlieje van
Pestoeër Tjeu Kunnen
Weej zien geschok door zien plotselinge euverlieje.
Pestoeër Kunnen is in oktober jl. veur zien verdeenste veur de Vense gemeinschap beneump tot “Moeraskwaaker van ’t jaor 2021”.
As pestoeër stónd hae altied klaor veur de Vense gemeinschap en droog hae ós vereiniging ’n werm hert toe. Ouk de jeug wis hae mit zien aimabele wies en progressieve zeenswies op ’t katholieke geluif te inspirere en te boeie. “Same de schouwers d’r ónder zette” waas zien motto.
‘ne Bezóndere man is helaas van ós haergegaon. Weej zulle um misse as zier betrokke persoeën en as inspirerende pestoeër.
Weej winse zien femilie, de parochie en zien vrinde vuuel sterkte toe beej ’t verwerke van dit verlees.
Bestuur en leje van v.v. de Moeraskwaakers