v.v. de Moeraskwaakers

Motto 2020:
D’r zit weer joeks in de lóch

Moeraskwaakers Jeugkwartet 2020

Proclamatie

Prins Siem I
Hoeëgheid van de Straolsewaeg net veurbeej de friteskraom Panna-Prins in de JO13-3 van FCV in ‘t Ven Hiphop-Keuning beej Urban Dance in Venlo-Zuud
Waal edelgelierd grappekenón van de bäöveste plank
Geneter van zien favoriete aete ‘de frikandel speciaal’ Drager van ‘t laevesmotto “lever lui dan meug”

 

Prinses Britt I
Keunegin van ´t hoes op de Mooijwaeg in ‘t Bultenven
Ster in ‘t goeëje van harde bel beej Handbal Venlo
Allerleefste baasje van hónd Mexx
Keukeprinses en lekkerbek van alles waat lekker smak
Veerkante ouge van ‘t kieke nao vlogs op d’n I-pad
Allerbeste in ‘t make van de perfekte sliem

Adjudant Nigel
Hertog van de Noordervaartlaan
Hier en meister euver de verdeidiging van FCV JO11-1
Boetespeuler in de straote van ‘t Ven
Meistergamer in Brawl Stars en Fortnite
Allemansvrind in groep 7 van ‘t Sterrepaad
Charmeur en knoevelmeister van de femilie

Adjudante Livie
Hertogin van de Straolsewaeg 530 wies aan de feeszaal
Haorfröbelster en creatief in ‘t make van Tik Toks
Heldin van ‘t achterveld van de Tegelse Hockeyclub
Geneetster van de ierste en letste peskes van de dansgarde
Gruuets geneetster van de sushibar
En ein Vastelaovesmaedje in hert en nere

Gaeve heej mei te verstaon:

  1. Det weej same mit óg ‘ne joeksige Vastelaovend in ‘t Ven gaon hebbe
  2. Det weej as groeëte Kwaakerfemilie dees dolle daag viere
  3. Det weej ós elders hebbe belaof d’n I-pad dees daag neet mier aan te rake
  4. Det de schoeël beej ós dees waeke op de 2de, 3de of 4de plaats steit
  5. Det weej de kómmende waeke groeët aafnemer waere van Friture ‘t Ven
  6. Det weej de partybus hielemaol op de kop gaon zette
  7. Det weej straole van ‘s morges vruug wies ‘s aoves laat (ouk al zien weej meug)
  8. Det weej as ierste Kwartet ózzen eige Prinsenauto hebbe
  9. Det weej óg allemaol, jónk en ald, nuueje veur ós groeëte receptie op Vastelaoveszóndaag 23 fibberwari heej in ós Residentie
  10. Det weej tiejes d’n optoch baovenop de wage de joeksige Vense lóch opsnoeve
  11. Det weej noow gaon stoppe mit deze kwats en lekker mit óg deze Vastelaovend in gaon knalle

’t Motto van ’t Jeugkwartet 2020 is:
Weej zien ‘t Vense Kwartet van dit jaor.
Weej beginne net, maar zien nog lang neet klaor!
Deze Vastelaovend duike weej laat in d’n bóch,
want in ‘t Ven zit weer joeks in de lóch!

SOCIAL MEDIA JEUG