v.v. de Moeraskwaakers

Motto 2019:
Drei mit ós mei

Moeraskwaakers Jeugkwartet 2019

 

PROCLAMATIE

Weej,

Prins Julian I
Prins van de Noordervaartlaan
Gel-keuning van ‘t Moeraskwaakersriek
Doelwachter van de JO11-2 beej FCV
Spaans spraekende schaakmeister op dinsdaag
Oppermachtige Fifa-meister vanoet mien slaopkamer
Altied in aevewich en neet gek te kriege!

en

Prinses Sarah I
Keunegin van de Noordervaartlaan
Aafjager beej FCV JO11-3 en MO13
Acrobaat in de turnzaal beej Sparta
Lolbóks van groep 7 van ‘t Sterrepaad
Meistergamer in Fortnite en Mindcraft op mienen i-pad
Zónnesträölke van miene pap, mien mam en femilie

 

ós Adjudante

Cas
Woeënechtig op de Minckelersstraot op de Vaegtes
Groeëtmeister in ‘t haole van Fortnitewins in de gamekelder
Ster in ‘t gaeve van assists beej JO11-1 van FCV
Snelheidsduvel op latte op de lange aafdaling
Oppermachtig in ‘t laote slingere van mien kleier
Charmeur en Knoevelmeister van de femilie

en

Emma
Barones van ’t stök Straolsewaeg van kerk wies snelwaeg
Waternimf van moder Maas
Kampioen van balk wies brök beej Sparta
Tennis”ster”op de roeëje gravel van de Kaetelberg
Creatief mit naold en neimesjien
Dansvot en giebelgeit van de bäöveste plank

Gaeve heej mei te verstaon:

  1. Det weej same mit óg de Vense Vastelaovend op ziene kop zette
  2. Det weej as éin groeëte Kwaakerfemilie dees dolle daag viere
  3. Det weej door gaon, ouk al hingk beej ós en óg de tóng op de schoon
  4. Det de meisters en juffe op schoeël aan ós kinne zeen det weej de Vastelaovend viere
  5. Det weej mit dees daag good doon aete en drinke
  6. Det weej same mit dees schoeëne dansmeriekes vuuel doon hosse en zinge
  7. Det weej allein maar lachende gezichte wille zeen
  8. Det weej altied al gedruimp hebbe um op dae wage te meuge staon
  9. Det weej same mit óg zulle genete van de ierste wies de letste minuut
  10. Det weej óg allemaol, jónk en ald, nuueje veur ós groeëte receptie op vastelaoveszóndaag 3 maart heej in ós Residentie
  11. Det weej óg allemaol ‘ne fantastisch schoeëne Kwaakervastelaovend winse


Motto:
Weej zette de Vense Vastelaovend op de kop
Same mit óg wuurt det hielemaol top
In Vastelaovend viere zien weej ‘ne kei
Let op:  ein, twieë,  drei mit ós mei