Jeuggezelschap 2025
Moeraskwaakers Jeugkwartet 2025
Prins Jip d’n Ierste
Hoeëgheid van kestielke Lovendaal, maar eigelik euveral
Vastelaovesvierder van bal nao bal
Straolende keuning op ‘t teniel
Meister in lache en grappe make, gehiel in eige stiel
Prinses Mija ’t Ierste
Hertogin van de Alde Arenborgwaeg
Gäölkesdeef en aanjager van ‘t maedjeselftal ónder de 12 van FCV
Leefhebber van gezellige äövendjes, kaoke en borrelplenkskes
Gangmaker van eigelik alles en ‘t leefste altied as letste nao hoes
Adjudant Jitse
Hierser van de Straolsewaeg, van de feeszaal wies aan ‘t viaduuk
Slaot op de deur van ‘t greun wit van d’n Arenborg
Vrind en helpende hand mit ’n hert van gold
Stummingmaker en stuiterbal van ‘s morges vruug wies ‘s aoves laat
Adjudante Iva
Jónkvrouwe van de Gerittewaeg beej de viever
Creatief brein mit ‘n teikenpotloeëd en ‘ne verfkwas, zoeëwaal thoes as beej ‘t atelier
Turnkeunegin op de mat en de brök beej Sparta
Groeët talent in kletse en giebele
Beej de gratie van Jeugvors Moerassius en ós Dónderköpkes, tófste Jeugkwartet 2025, gaeve heejmej te verstaon en te weite aan idderein det weej:
- ‘t Tófste Jeugkwartet van vastelaovend 2025 zien
- Vanoet de schoeëlbanke zoeë ós Residentie beej de Bantuin binne kinne rolle
- Mit idderein dae maar wilt de langste polonaise gaon loupe
- Veural ‘nen houp lol en plezeer make same mit ózze Vors, Sirremoniemeister en Dónderköpkes
- Mit ós vrinde, bekinde en ónbekinde feesjes bouwe wao zelfs boeëte ‘t Ven euver gepraot wuurt
- Mit ‘t groeëte Trio alle leedjes kwake
- Van baove op ózze wage de moeëjsten optoch van Groeët Venlo meuge belaeve
- Haope det idderein ós motto veur dit vastelaovessezoen kin druime
- Deze vastelaovend as ’t fees van ‘t jaor gaon beneume
- Mit óg allemaol same doorgaon wies de late eurkes
- Mit óg zinge en springe umdet ’t kan, lever noow as dan
Vastelaovend same!
Motto
Heej zien weej mit ós veer
‘n Feesje bouwe doon weej gaer
Zinge en springe umdet ’t kan
Det doon weej lever noow as dan
Jeugvors Milan
Jeugsirremoniemeister Vayenne
