Prins Bo I

Scepterzweiende en vaeredragende directeur van circus Gipmans
Gamemeister van ‘t kómplete digitale universum
Transfervreje middevelder van JO11-4 van FCV
En Opperscout van de scouts van Baden Powell

 

 

 

 

 

 

Prinses Meike I


Groeët Hertogin van  d’n Herungerberg  mit oetzich euver ‘t Kwaakersriek
Straolende musicalster beej  Stella Duce  wies aan Carré
Opperbaasje en hóndetemster van ziene groeëte vrind Bruno
Mega filmkinner mit veerkante ouge van ‘t koekeloere nao ‘t kesje

 

 

 

 

 

Adjudant Nick

Barón van de Keuningsallee ‘Gabrielstraot’  nummer 1
Groeëtmeister van de moor beej FCV E5 & Vense Fixer’s
Hierser euver de Playstation wies aan Netflix
Aanstormend talent op de schoeël van Sintermerte

 

 

 

 

 

 

Adjudante Evelien

Barones van de Harry Bordonstraot wies de Noordervaartlaan
Perfesser en oetvinder  van de beste sliem dae se zelf kins make
Musicalster van Stella Duce wies aan Broadway
Groeëtmeisteres aan de dónkere kant van de StarWars krach

 

 

 

 

 

 

Gaeve heejmei te verstaon aan idderein dae de Vense jeugvastelaovend ‘n werm hert toedruueg:

  • Det weej gruuets zien op ós jubileum: Kwaakergold in ’t Jubelven!
  • Det weej van binne gold-greune kónfetti kenónne zien die spontaan losgaon op vastelaovesmeziek.
  • Det se ós dan beejein kins vaege, maar det weej neet kepot te kriege zien en gewoeën doorgaon.
  • Det de Jeugkemissie besteit oet golde minse die ónbetaalbaar zien.
  • Det weej ós dansmeriekes hoeëgachte, ouk as zeej de witte laerskes oet doon door de pien aan de veut.
  • Det weej ózze Vors en ózze Sirremoniemeister op hand drage en altied luustere nao eure schaele wazel.
  • Det ós breurkes en zuskes ós noow mótte begroete mit ‘n buiging aan ‘t óntbijt
  • Det weej allein nog greune m&m’s aete, zoeëdet weej moeëj waer hebbe mit d’n Optoch van ‘t Ven.
  • Det weej same mit ’t groeëte Trio zoeëvuuel polonaises wille loupe, det d’r gen zaole mier ónder de schoon zitte.
  • Det weej same mit ózze Jeugraod van 11 ‘nen ónvergaetelike vastelaovend neer gaon zette.
  • Det weej op zóndaag 11 fibberwari ’n receptie gaeve waobeej ’t daak d’r aaf geit!

 


Motto
Weej jubele as Kwartet door de vastelaovend haer
Doot mit ós mei en maak vuuel plezeer
‘ne Moeraskwaaker, det bis se!
Daorum wille weej dees daag veur gen gold misse